I pitun na consulënza complessiva y i se tolun döt le tëmp nezesciar por üsc planns y proiec. I analisun deboriada osta situaziun finanziara por studié osc proiet imprenditorial y sües conseguënzes economiches y por lauré fora na domanda de garanzia che passenëia avisa ales esigënzes de osta aziënda.

Nosc compit prinzipal é da sostigní de piceres aziëndes y aziëndes de dimenjiuns mesanes sciöche ince profescionisć lëdi cun sorvisc de garanzies. Garfidi pita garanzies da 20 cina al mascim 80 porcënt dl finanziamënt. Ares vëgn pitades te na forma individuala aladô dl bojëgn y dla situaziun finanziara.

I fajun da garant por la garanzia de credit de osta aziënda, de conseguënza daidun pro le percurs de azetaziun dl finanziamënt y i fajun jí inant plü debota l’aprovaziun. Porchël un stlüt jö convenziuns cun les banches plü importantes presëntes tl Südtirol. Pro chëstes banches aldel lapró les Casses Raiffeisen dl Südtirol, la Südtiroler Sparkasse, la Südtiroler Volksbank, la Banca por le Trentin-Südtirol, la Raika Ritten, la Raika St. Martin, la Cassa Rurale Val di Fiemme, la Mediocredito, l’Intesa Sanpaolo, les Privatbanken Südtirol Bank y la Prader Bank.