Ejaminaziun dla solvënza por osta aziënda
Südtirol Rating
Cun Südtirol Rating, n produt de Garfidi, ciafëise os por osta aziënda n’ejaminaziun profescionala y ampla de osta afidabilité da paié derevers n credit. Chësc sorvisc ne ves garantësc nia ma trasparënza sön osta solvënza, mo al renforzëia ince osta posiziun söl marcé ti confrunc de banches, investidus y partner d’afars.
N rating positif aumentëia osta credibilité y la crëta te üsc confrunc y ves deura la porta a poscibilités nöies de finanziamënt y ince da otimisé i cosć.
Funziun
Osta solvënza tl focus
Le Südtirol Rating de Garfidi Ves garantësc n’ejaminaziun profescionala dl‘afidabilité da paié derevers n credit de osta aziënda. Al é n sëgn de cualité important por mostré sö te na manira trasparënta osta capazité de paiamënt y por renforzé insciö osta posiziun tles tratatives por ciafé azes ai finanziamënc. Tl medem tëmp verifichëia Südtirol Rating la poscibilité de n azes al Fonds Zentral de Garanzia che pita garanzies statales por i finaziamënc cina le 90 porcënt.
Analisa finanziara
Üsc vantaji
- Autovalutaziun de valüta dla solvënza individuala
- Rating imparzial y independënt da d’atres istituziuns de credit
- Sëgn de cualité important ti confrunc de banches, fornidus, cliënc y d’atres istituziuns publiches
- Stromënt d’ütl tles tratatives cun istituc de credit o cun fornidus por smendrí cosć
- Azes poscibl a d’atres fontanes de finanziamënt
- Ejaminaziun de n azes poscibl al Fonds Zentral de Garanzia
Scala de rating
Classificaziun dla solvënza
La scala de rating vá da A (solvënza dër alta) cun la poscibilité che n paiamënt tomes fora statisticamënter de 0,12 porcënt cina E (solvënza dër bassa) cun na poscibilité che n paiamënt tomes fora de 9,0 porcënt. Plü alt che la classa de rating é plü bassa che la poscibilité é che n paiamënt tomes fora y plü alta de conseguënza che la solvënza de osta aziënda sará.
A = solvënza dër alta
B = solvënza alta
C = solvënza mesana
D = solvënza bassa
E = solvënza dër bassa
Prozedöra
Südtirol Rating te cater vari
01
02
03
04
Nosc team ves acompagnará tratan döta la prozedöra.
Planns dles tarifes
Nostes ofertes de Südtirol Rating
Varianta standard
Südtirol Rating Basic
Chësta varianta contëgn:
- Composiziun dl rating complessif
- Suraodüda detaiada dl model de finanziamënt
- Resultat y ponderaziun dles carateristiches y dles zifres dl modul de finanziamënt
- Resultat y ponderaziun dles carateristiches y dles zifres dl modul de solvënza
Prisc: euro 69,00
Varianta top
Südtirol Rating Premium
Chësta varianta contëgn:
- Composiziun dl rating complessif
- Suraodüda detaiada dl model de finanziamënt
- Resultat y ponderaziun dles carateristiches y dles zifres dl modul de finanziamënt
- Resultat y ponderaziun dles carateristiches y dles zifres dl modul de solvënza
- Valutaziun personalisada dl resultat de n spezialist tl setur de credit
Prisc: euro 129,00
* Mëter a verda: per chësta firmes ne possen nia se lascé fé n Südtirol Rating:
- Firmes che ie unides metudes su ti ultimi doi ani y che ne possa perchël nia mustré su bilanc ti doi ani passei o i modiei UNICO;
- Sozieteies de capital che ne à nia dat ju bilanc per i doi ann passei;
- Firmes che à mudà ti ultimi doi ani si contabltà, p. ej. da scëmpla a contabltà urdinera;
- Firmes che à mudà ti ultimi doi ani si forma de sozietà;
- Firmes da oradecà che ne ie nia scrites ite tla Majon dl Cumerz tla Talia;
- Firmes che à na tlassificazion de ATECO 2007 tla sezions che vën do: A 01-03, K 64-66, O 84, T 97-98.
Por osc suzes
Avede crëta te Garfidi
Sorvisc
